నిరుద్యోగులకు శుభవార్త


రాష్ట్ర పోలీసు శాఖలోని ఖాళీగా ఉన్న ఎస్సై పోస్టులను భర్తీ చేసేందుకు పచ్చ జెండా ఊపింది. రాష్ట్రవ్యాప్తంగా ఖాళీగా ఉన్న 3,137 ఉద్యోగాలను భర్తీ చేయాలని ప్రభుత్వం నిర్ణయించింది. ఎస్సైతో పాటు అసిస్టెంట్ పబ్లిక్‌ ప్రాసిక్యూటర్స్‌, కానిస్టేబుళ్లు, డిప్యూటీ జైలర్, వార్డర్‌ పోస్టులను భర్తీ చేసేందుకు నోటిఫికేషన్‌ను విడుదల చేసింది. ఈ నెల 5 నుంచి 24 వరకు ఆన్‌లైన్‌లో slprb.ap.gov.in వెబ్‌సైట్‌లో అభ్యర్ధులు దరఖాస్తు చేసుకోవచ్చు. సివిల్, అగ్నిమాపక, ఏఆర్, జైళ్ల శాఖల్లో ఖాళీలను భర్తీ చేయను న్నారు. మీసేవ, ఏపీ ఆన్‌లైన్‌, క్రెడిట్, డెబిట్ కార్డుల ద్వారా ఫీజు చెల్లించవచ్చని అధికారులు తెలిపారు. ఎస్సై పోస్టులకు రాత పరీక్షను డిసెంబర్ 16న నిర్వహించనున్నారు. పోలీస్‌ కానిస్టేబుల్, వార్డర్ల అప్లికేషన్లు ఆన్‌లైన్‌ ద్వారా ఈ నెల 12 నుంచి డిసెంబర్‌ 7 వరకూ దరఖాస్తు చేసుకోవచ్చు. ఈ పోస్టులకు రాత పరీక్షను 2019 జనవరి 6న నిర్వహించనున్నారు. పరీక్షకు అర్హత కల్గిన అభ్యర్థులు పోలీస్‌ నియామక వైబ్‌సైట్‌లో చూడవచ్చని ఉన్నతాధికారులు తెలిపారు.

ముఖ్యాంశాలు