EDITOR: Deekshitula Subrahmanyam

D.NO.23-19-50, Haripuram,

Rajahmundry, Andhra Pradesh 533105, India

@ Ira News Paper Copyright 2017

eMail: iranewspaper@gmail.com

Mobile no.94404 51836

  • iranewspaper
  • iranewspaper
  • Facebook Basic Square
  • Twitter Basic Square
  • Google+ Basic Square
 Follow Us
Ira News Paper

రెండు వేల నోట్లతో ఎన్నికలకు ఎర

బ్యాంకు లలో గత ఏడాది కాలంగా ఎవరైనా  రెండు వేలనోట్లు చూశారా అసలు? కేవలం వంద, ఐదొందల నోట్లతోనే ఇప్పుడు ఆంధ్రప్రదేశ్ లో బ్యాంకు లు నడుస్తున్నాయి. గతంలో వంద నోటు అడిగితే చాలు విసుక్కునే బ్యాంకు సిబ్బంది ఇప్పుడు ఎన్ని వేలైనా సరే వందనోట్లు,ఐదొందల నోట్లే యిస్తున్నారు.మొన్న ఇదే విషయాన్ని ఓ బ్యాంకు అధికారిని అడిగితే గుంభనంగా నవ్వి.. సుమారు యాభైవేల కోట్ల విలువైన రెండు వేల రూపాయల కట్టలు దాదాపు ఐదొందలమంది దగ్గర స్టాక్ ఉన్నాయని చెప్పారు. వచ్చే ఎన్నికల కోసం ఎవరో ఈ నోట్లను అక్రమంగా పెద్దఎత్తున దాచి ఉంచారని స్పష్టంగా అర్థం అవుతోంది. ఎన్నికలకి ఏడాది ముందునుంచే ఇంత పకడ్బందీగా పతాకం వేసి, బ్యాంకు ల సహకారం కూడా తీసుకుని పెద్ద నోట్లను చలామణీ నుంచి ఆపగలిగారంటే ఆ వ్యక్తులు బాగా పలుకుబడి ఉన్నవారే అనేది అర్థం అవుతోంది. రవాణాకు, పంపిణీకి వీలుగా ఉంటాయనే పెద్ద నోట్లను పెద్దఎత్తున అక్రమార్కులు పథకం ప్రకారం నిల్వచేశారనేది సుస్పష్టం. రానున్న ఎన్నికలు మొత్తం ధనమయం అవుతాయనడానికి ఇది ప్రబల సంకేతం. ఈ దశలో ప్రభుత్వం, ఎన్నికల యంత్రాంగం ఎన్నికలకి ముందు  రెండువేలనోట్లు రద్దు చేయడం కానీ.. లేదా మరేదైనా పటిష్ట చర్య కానీ తీసుకుని ప్రజాస్వామ్యాన్ని కాపాడే ప్రయత్నం చేయాలి. ఈ దఫా ఎన్నికల్లో డబ్బు పంపిణీ, ప్రచార ధనవ్యయంపై పటిష్ట నిఘా ఉండి తీరాలి.  

Facebook
Twitter