మోదీ ఎందుకు నచ్చలేదంటే....


మోదీని వ్యతిరేకిస్తున్న చాలామందితో అలాగే తటస్థులని అనుకున్నవారితో ఇరా న్యూస్ పేపర్.కామ్ తరఫున మిత్రులు, కొందరు జర్నలిస్టులు గత 15 రోజులుగా మాట్లడడం జరిగింది. మా పరిధిలో ఇది మాకు ఒక సర్వే లాంటిది. నాతో పాటుగా 11 మంది ఇందులో పాల్గొని ఈ వారంలో సుమారు 800 మందితో మాట్లాడాము. ఎపి లోని ఐదు పట్టణాలు, హైదరాబాద్, బెంగళూరు ఏరియాల్లోని వారితో ఈ సర్వే నిర్వహించడం జరిగింది. ఎంపిక చేసుకున్న కొన్ని ప్రశ్నలను అడగడంతో పాటు కొన్ని అంశాలపై వారి అభిప్రాయాలను కూడా విన్నాము. అయితే వారిలో దాదాపు 500 మంది వెల్లడించిన విషయాలను మేము ప్రత్యేకంగా నోట్ చేసుకున్నాము. వాటిలో ఎక్కువమంది ఆలోచనలు, కొందరి అభిప్రాయాలు ఇలాఉన్నాయి.

1. మోదీ నిజాయితీపరుడు.. ఆ విషయం ఒప్పుకుంటాం. కానీ ఆయనంటే మాకు ఇష్టంలేదు. 2. మోదీ ప్రభుత్వం ఐదేళ్లపాటు కుంభకోణాలు లేని పరిపాలన అందించి ఉండొచ్చు అయినా సరే మేము వ్యతిరేకిస్తాం. 3. మోదీ విదేశాంగ విధానం భేష్ .. కానీ ఆయనకు ఓటేయం 4. చైనాకి, పాకిస్థాన్ కి బాగా బుద్ధి చెప్పారు ... అయినా సరే సమర్థించం. 5. రక్షణ పరంగా దేశాన్ని బలోపేతం చేసిన మాట నిజమే... అయితే ఏమిటట? 6. మోదీ వచ్చాకా హిందువులకి విలువ, గుర్తింపు పెరిగాయి.. (ఇది హిందువులు చెప్పినది).. కానీ ఆయనను వ్యతిరేకిస్తూనే ఉంటాం. 7. మోదీ వలన మా ఆడ పిల్లలకి మేలు జరిగింది నిజమే (ఇది కొందరు ముస్లిముల మాట)..కానీ మేము మా శత్రుత్వాన్ని వదులుకోము. 8. మోదీ పాలనలో భారత్ అనేక రంగాల్లో గొప్ప పురోగతి సాధించింది అని ఒప్పుకుంటాం .. అయినా మాకు ఆయన నచ్చడు. 9. ఆర్థిక నేరాలను అరికట్టే ప్రయత్నం, బ్యాంకు పరిరక్షణకు కృషి చేస్తున్నారు .. కానీ మాకు సంతృప్తి లేదు. 10. ప్రపంచ దేశాలు ఇండియాని ఎంత మెచ్చుకున్నా సరే.. మేము మాత్రం మోడీని మెచ్చుకోము. 11. దేశంలోని ప్రతి పేదవాడి ఆరోగ్యం కోసం 50 కోట్లమంది కవర్ అయ్యేలా మోదీ ఉచిత చికిత్సా పథకాన్ని తెచ్చారు.. అయినా సరే మేము మంచోడని అనం. 12. ఆయనెవరినీ ఓటుబ్యాంకు గా చూసి వాళ్ళని మచ్చిక చేసుకునే ప్రయత్నాలు చేయలేదు...ఒప్పుకుంటాం కానీ ఆయన పరిపాలనని మాత్రం వ్యతిరేకిస్తాం. 13. మాకు చైనా,పాకిస్థాన్ అంటే గిట్టదు. కాంగ్రెస్ అవినీతికి కూడా మేము వ్యతిరేకం.. కానీ అవన్నీ వ్యతిరేకించే మోదీ కూడా మాకు వ్యతిరేకమే. 14. మోడీని వ్యతిరేకిస్తున్న పార్టీలు,వ్యక్తులు అందరూ అవినీతి పరులని తెలిసినా సరే... వాళ్ళ కంటే మోడీయే మాకు ప్రమాదకారి. 15. ఇవాళ దేశానికి మోడీని మినహాయిస్తే ప్రత్యామ్నాయమే కనిపించడంలేదు. అయినా సరే ఆయన్ని ఒప్పుకోము. మోదీ వ్యతిరేకుల్లో ఎవరు ఏలినా మాకు ఇష్టమే. 16. మోదీని ఓడిస్తే దేశం నష్టపోవచ్చు... ఒప్పుకుంటున్నాం.. పోతే పోనీయండి.. దేశం అదృష్టం ఎలా ఉంటే అలా జరుగుతుంది. అదేంటి ఇవన్నీ మంచి పనులు అని మీరే అంటున్నా సరే ఎందుకు వ్యతిరేకిస్తున్నారు? అంటే కొందరు చెప్పిన వివరణలు ఇలా ఉన్నాయి. 1. ఆయన ఆంధ్రప్రదేశ్ కి శత్రువు. 2. పోలవరానికి డబ్బివ్వలేదు 3. రాజధానికి డబ్బులివ్వలేదు 4. చంద్రబాబుని అవమానించారు 5. ఆయనది గుజరాత్ 6. ఉత్తరాది వాడు కాబట్టి 7. ఖరీదైన బట్టలు వేసుకుంటాడు కాబట్టి 8. హిందువుని అని చెప్పుకుంటాడు కాబట్టి 9. ముఖేష్ అంబానీతో చనువుగా ఉన్నాడు కాబట్టి 10. పెద్దనోట్లను రద్దు చేసాడు కాబట్టి 11. పెట్రోలు ధరలు పెంచేశాడు కాబట్టి 12. మాకు వచ్చే విదేశీ నిధుల్ని ఆపేశాడు కాబట్టి 13. అతను బిజెపి వాడు కాబట్టి 14. మాకు ఆర్ఎస్ఎస్ అంటే ద్వేషం కాబట్టి 15. జీఎస్టీ పెట్టి మాతో టేక్సులు కట్టిస్తున్నాడు... 16. ఇన్ కంటేక్స్ డిపార్ట్ మెంట్ తో నోటీసులు ఇప్పించాడు 17. ఎవరన్నా సరే భయం లేనట్టు ఉంటాడు.. మాకలా ఉంటే నచ్చదు. 18. మమ్మల్ని ఏటీఎం దగ్గర అనేకసార్లు లైన్ లో నిలబెట్టాడు... ఆ కక్ష తీర్చుకుంటాం. 19. సంపాదించుకుంటే తప్పంటే ఎలా? 20. మా సంపాదన పెరగలేదు... టేక్సులే పెరిగాయి. ఇంతక్రితం చూసీ చూడనట్టు వదిలేసేవారు.ఇప్పుడు ముక్కుపిండి వసూలు చేస్తున్నారు. 21. రాజధానికి మట్టీ నీళ్ళూ తెచ్చి అవమానించాడు. 22. విదేశాలనుంచి నల్లడబ్బు తెచ్చి జనానికి పంచుతానని చెప్పిన పెద్దమనిషి ఆ పని చేయలేదు. 23. వెంకన్న సాక్షిగా ఆంధ్రప్రదేశ్ ప్రజలకు నమ్మకద్రోహం చేసారు 24. ఇంటి అద్దెలు, నిత్యావసరాల ధరలుబాగా పెరిగిపోయాయి 25. పెద్దోళ్లకి పెట్టి పేదల్ని కొట్టాడు 26. మా నాయకులకి నచ్చలేదు కాబట్టి మాకు కూడా ఆయన శత్రువే. (ఇది తెదేపా,వైకాపా,జనసేన సానుభూతిపరుల్లో అధికులు కామన్ గా చెప్పిన మాట)

ముఖ్యాంశాలు
తాజా వార్తలు
​సంబంధిత సమాచారం 

EDITOR: Deekshitula Subrahmanyam

D.NO.23-19-50, Haripuram,

Rajahmundry, Andhra Pradesh 533105, India

@ Ira News Paper Copyright 2017

Ira News Paper

eMail: iranewspaper@gmail.com

Mobile no.94404 51836

  • iranewspaper
  • iranewspaper
  • Facebook Basic Square
  • Twitter Basic Square
  • Google+ Basic Square
 Follow Us