EDITOR: Deekshitula Subrahmanyam

D.NO.23-19-50, Haripuram,

Rajahmundry, Andhra Pradesh 533105, India

@ Ira News Paper Copyright 2017

eMail: iranewspaper@gmail.com

Mobile no.94404 51836

  • iranewspaper
  • iranewspaper
  • Facebook Basic Square
  • Twitter Basic Square
  • Google+ Basic Square
 Follow Us
Ira News Paper

ఆధార్ గోప్యత ప్రమాదానికి ఇదిగో విరుగుడు

ఆధార్‌ గోప్యత పై ఆందోళనలు తలెత్తుతున్న నేపథ్యంలో ‘భారత విశిష్ఠ గుర్తింపు ప్రాధికార సంస్థ’ (ఉడాయ్‌) దీనికి ఓ విరుగుడు కనిపెట్టింది. మొత్తంగా  12 అంకెల బయోమెట్రిక్‌ సంఖ్యను ఎవరికైనా చెప్పే బదులు వర్చ్యువల్‌ ఐ.డి.ని ఎవరికి వారే ఉడాయ్‌ వెబ్‌సైట్‌ ద్వారా సృష్టించుకుని, దానిని చెబితే సరిపోయేలా కొత్త సదుపాయాన్ని అందుబాటులోకి తీసుకువస్తోంది. ఈ రెండు సంఖ్యల్ని ఉడాయ్‌ అనుసంధానం చేసుకుంటుంది.  సిమ్‌కార్డు సహా వివిధ అవసరాల కోసం ఈ ఐడీ మాత్రమే  చెబితే సరిపోతుంది. తద్వారా అసలు  ఆధార్‌ సంఖ్య గోప్యంగానే  ఉంటుంది. పేరు, చిరునామా, ఫోటో వంటి పరిమిత వివరాలు మత్రమే ఈ వర్చ్యువల్‌ ఐ.డి. ద్వారా తెలుస్తాయి. సాధారణంగా ఏ అవసరానికైనా ఇవి సరిపోతాయి. ఇలా ఒక్కొక్కరు ఎన్ని గుర్తింపులనైనా సృష్టించుకోవచ్చు. అవి పరిమిత కాలమే చెల్లుబాటవుతాయి. కొత్తది రాగానే పాతది దానంతట అదే రద్దయిపోతుంది... ఉదహరనకి ఓటీపి లా అన్నమాట. ఈ 16 అంకెల యాదృచ్ఛిక సంఖ్యను ఆమోదించడాన్ని ఈ ఏడాది మార్చి ఒకటో తేదీ నుంచి ఉడాయ్‌ అనుమతించనుంది. గుర్తింపు వివరాలను కోరే సంస్థలన్నీ జూన్‌ ఒకటో తేదీ నుంచి ఈ గుర్తింపును ఆమోదించడం తప్పనిసరి కానుంది. దీనికి తగ్గట్టుగా గడువులోగా తమతమ వ్యవస్థల్లో మార్పులు చేసుకోని సంస్థలు ఆర్థికంగా కొంత నష్త పరిహారం కూడా చెల్లించాల్సి వస్తుంది. ఆధార్‌ సంఖ్య మాదిరిగానే ఈ సంఖ్యను వినియోగించుకోవచ్చని ఉడాయ్‌ ఒక ఉత్తర్వులో పేర్కొంది. వాస్తవిక గుర్తింపుతో పాటు ‘పరిమిత కేవైసీ’ పద్ధతినీ ఉడాయ్‌ తీసుకువస్తోంది. ‘మీ వినియోగదారుని తెలుసుకో’ (కేవైసీ) పేరుతో బ్యాంకులు సహా అనేక సంస్థలు ఈ వివరాలను కోరుతుంటాయి. ఇలాంటి సందర్భాల్లోనూ కేవలం కావాల్సినంత మేరకే వివరాలను అధీకృత సంస్థకు ఇవ్వడానికి పరిమిత కేవైసీ పద్ధతిని రూపొందించింది. ఇకపొతే ఆధార్‌ గోప్యతకు ఎప్పటికైనా ముప్పే అని ఈమధ్య వెల్లడైన అధ్యయనంతో తమకు  సంబంధం లేదని ఆర్‌బీఐ స్పష్టం చేసింది.