దత్తాత్రేయ కుమారుని అకాల మరణం


కేంద్ర మాజీ మంత్రి, భాజపా సీనియర్‌ నేత బండారు దత్తాత్రేయ ఏకైక కుమారుడు వైష్ణవ్‌(21) మంగళవారం రాత్రి గుండెపోటుతో మృతిచెందారు. రాత్రి 10.45కు వైష్ణవ్‌ గుండెపోటుతో తీవ్ర అస్వస్థతకు గురయ్యారు. హైదరాబాద్‌లోని తన స్వగృహంలో భోజనం చేస్తుండగా ఆయన ఒక్కసారిగా కుప్పకూలిపోయారు. కుటుంబసభ్యులు ముషీరాబాద్‌లోని గురునానక్‌ కేర్‌ ఆసుపత్రికి తరలించారు. అక్కడ చికిత్స పొందుతూ 12.30 గంటలకు మృతిచెందినట్లు వైద్యులు ప్రకటించారు. వైష్ణవ్‌ ఎంబీబీఎస్‌ మూడో ఏడాది చదువుతున్నారు. కుమారుడి మృతితో షాక్‌కు గురైన దత్తాత్రేయ కన్నీరుమున్నీరుగా విలపిస్తున్నారు. వైష్ణవ్‌ మృతదేహాన్ని బంధువుల సందర్శనార్థం స్వగృహంలో ఉంచారు. ఉపరాష్ట్రపతి వెంకయ్యనాయుడు ఫోన్‌ చేసి దత్తాత్రేయను పరామర్శించారు. భాజపా ఎమ్మెల్యే లక్ష్మణ్‌, జీహెచ్‌ఎంసీ మేయర్‌ బొంతు రామ్మోహన్‌, జనసమితి వ్యవస్థాపకులు కోదండరామ్‌ తదితరులు దత్తాత్రేయ నివాసానికి చేరుకుని ఆయన్ని పరామర్శించారు. వైష్ణవ్ హఠాన్మరణంపై ఆంధ్రప్రదేశ్‌ ముఖ్యమంత్రి చంద్రబాబు ప్రగాఢ సంతాపం తెలిపారు.

ముఖ్యాంశాలు