ఆయేషా హత్య కేసు సిబిఐకి...


అప్పట్లో తీవ్ర సంచలనం సృష్టించిన ఆయేషా మీరా హత్యకేసులో కీలక మలుపు చోటుచేసుకుంది. ఈ కేసును సీబీఐకి అప్పగిస్తూ హైకోర్టు ఆదేశాలు జారీచేసింది. దీనిపై కొత్తగా ఎఫ్‌ఐఆర్‌ నమోదు చేసి దర్యాప్తు చేపట్టాలని చెప్పింది. కొంత కాలంగా దీనిపై విచారణ కొనసాగిస్తున్న ఉన్నత న్యాయస్థానం సిట్‌ దర్యాప్తును పర్యవేక్షిస్తోంది. ఈ కేసులో పోలీసుల దర్యాప్తు సరిగా లేదని కోర్టు అసంతృప్తి వ్యక్తంచేసింది. విజయవాడలో ఆయేషా మీరా హత్య తర్వాత ఈ కేసులో సత్యంబాబును దోషిగా తేలుస్తూ 2010లో విజయవాడ కోర్టు తీర్పు ఇచ్చింది. తాను నిర్దోషినంటూ సత్యంబాబు హైకోర్టులో అప్పీల్‌కు వెళ్లారు. విచారణ జరిపిన ఉన్నత న్యాయస్థానం 2016లో సత్యంబాబును నిర్దోషిగా తేలుస్తూ తీర్పునిచ్చింది. ఈ వ్యవహారంపై విచారణ జరిపించాలని ఆయేషా తల్లితో పాటు పలు ప్రజా సంఘాలు, మహిళా సంఘాలు హైకోర్టును ఆశ్రయించాయి. ఈ నేపథ్యంలో ఆంధ్రప్రదేశ్‌ ప్రభుత్వం దీనిపై సిట్‌ను ఏర్పాటు చేసింది. సిట్‌ దర్యాప్తు క్రమంలో కీలక సాక్ష్యాధారాలు, రికార్డులు లేవని కోర్టుకు నివేదిక ఇవ్వగా.. న్యాయస్థానం ఆగ్రహం వ్యక్తం చేసింది. ఈ నేపథ్యంలో పోలీసుల తీరు, దర్యాప్తు వ్యవహారంపై అసంతృప్తి వ్యక్తంచేసిన హైకోర్టు సీబీఐతో విచారణ జరిపిస్తే బాగుంటుందనే నిర్ణయానికి వచ్చింది. గత తీర్పులు, కేసు దర్యాప్తులతో ఏమాత్రం ప్రభావితం కాకుండా తాజాగా ఈ కేసు విచారణ చేపట్టాలని సీబీఐని గురువారం హైకోర్టు ఆదేశించింది.

ఆయేషా మీరా హత్యకేసు కేసును సీబీఐకి అప్పగిస్తూ హైకోర్టు ఆదేశాలు జారీచేసింది.. మా రాష్ట్రంలో మరి సిబిఐ కి నో ఎంట్రీ బోర్డు పెడతారా?

ముఖ్యాంశాలు