బ్రహ్మోస్ సూపర్‌సోనిక్ క్రూయిజ్ పరీక్ష సక్సెస్
బ్రహ్మోస్ సూపర్‌సోనిక్ క్రూయిజ్ మిసైల్ ప్రయోగాత్మక పరీక్ష బుధవారం విజయవంతమైంది. 400 కిలోమీటర్ల దూరంలోని లక్ష్యాన్ని ఛేదించగల సామర్థ్యం ఈ మిసైల్‌కు ఉంది. ఒడిశాలోని ఓ కేంద్రం నుంచి భూమిపై నుంచి దీనిని ప్రయోగించారు. దీనిని అభివృద్ధిపరచిన శాస్త్రవేత్తల బృందాన్ని రక్షణ పరిశోధన, అభివృద్ధి సంస్థ (డీఆర్‌డీవో) చైర్మన్ డాక్టర్ జి సతీష్ రెడ్డి అభినందించారు. డీఆర్‌డీవో పీజే-10 ప్రాజెక్టు క్రింద ఈ పరీక్షను నిర్వహించినట్లు తెలిపారు. దేశీయ బూస్టర్‌తో దీనిని నిర్వహించారు. బ్రహ్మోస్ అనేది రామ్‌జెట్ సూపర్‌సోనిక్ క్రూయిజ్ మిసైల్. దీనిని జలాంతర్గాములు, నౌకలు, యుద్ధ విమానాల నుంచి, భూమిపై నుంచి ప్రయోగించవచ్చు. రష్యాలోని ఓ సంస్థతో కలిసి డీఆర్‌డీవో దీనిని అభివృద్ధిపరిచింది.